Play This Song

Song Lyrics

Swapn There Phool Se, Meet Chubhe Shul Se
Lut Gae Singaar Sabhee Baag Ke Babul Se
Aur Hum Khade-khade Bahaar Dekhte Rahe.
Kaaravaan Guzar Gaya, Ghobaar Dekhte Rahe

Neend Bhee Khulee Naa Thi Ki, Haay, Dhoop Dhal Gayi
Paanv Jab-talak Ute Ki Zindagi Fisal Gayi
Paat-paat Jhar Gae Ki Shaakh-shaakh Jal Gayi
Chaah To Nikal Saki Naa, Par Umr Nikal Gayi, Par Umr Nikal Gayi

Geet Ashk Ban Gae, Swapn Ho Dafan Gae
Saath Ke Sabhee Diye Dhuaan Pahan-pahan Gaen
Aur Hum Jhuke-jhuke Mode Par Ruke-ruke
Umr Ke Chadhaav Ka Utaar Dekhte Rahe.

Kya Shabaab Tha Ki Phool-phool Pyaar Kar Utaa
Kya Kamaal Tha Ki, Dekh, Aaeena Sahar Utaa
Is Taraf Zameen Aur Aasamaan Udhar Utaa
Thaam Kar Jigar Utaa, Ki Jo Milaa Nazar Utaa, Ki Jo Milaa Nazar Utaa

Ek Din Magar Yahaan Aisee Kuch Haea Chali
Lut Gayi Kalee-kalee Ki Ghut Gayi Gali-gali
Aur Hum Loote-loote Vaqt Se Pite-pite
Saz Kee Sharaab Ka Khumaar Dekhte Rahe

Kaaravaan Guzar Gaya, Ghobaar Dekhte Rahe

Haath The Milee Ki Zulf Chaand Kee Sanvaar Doon
Honth The Khule Ki Har Bahaar Ko Pukaar Doon
Dard Tha Diya Gaya Ki Har Dukhi Ko Pyaar Doon
Aur Saans Yoon Ki Swarg Bhumi Par Utaar Doon, Bhumi Par Utaar Doon

Ho Sakaa Naa Kuch, Magar, Shaam Ban Gayi Sahar
Vo Uthi Lahar Ki Dhah Gae Kile Bikar-bikar
Aur Hum Dare-dare Nir Nain Mein Bhare
Odh Kar Kafan Pade Mazaar Dekhte Rahe

Maang Bhar Chali Ki Ek Jab Nayi-nayi Kiran
Dholken Dhunak Uthin, Thumak Ute Charan-charan
Shor Much Gaya Ki Lo Chali Dulhan Chali Dulhan
Gaanv Saba Umad Padaa, Bahak Ute Nayan-nayan, Bahak Ute Nayan-nayan

Par Tabhee Zahar Bhari Gaaz Ek Vah Giri
Punch Gaya Sindur Taar-taar Huee Chunari
Aur Hum Ajaan Se Door Ke Makaan Se
Palki Liye Hue Kahaar Dekhte Rahe

Kaaravaan Guzar Gaya, Ghobaar Dekhte Rahe

Related Songs

---

Google Tags :